復活節

復活節又到喇，好嘢！但我就無乜分別，又無工返，日日都係星期日，係咪咁話先！

留係屋企睇電影就最好，唔使錢，又舒服。正呀！

希望我嘅揾工大計，快D復活就好咯。

找工之論

嘩！依家揾份工，似乎D工種越來越少。唔係Sales 就係D 自顧人士嘅工。講笑就得，真係揾鬼去做咩？好多工都好鬼揾笨，層壓式推銷或者傳銷就周街都請。死未？

見完工，等電話。

真好，剛剛見咗份工，睇吓有無電話叫我去second in先。

仲有D乜嘢好建議呢？

日常生活

美國今年選總統，我比較鍾意希拉利。睇下D眼光中唔中先。

唔知傻瓜數碼相機最平幾錢呢？應該係時候買番部。

游水嗎？

唔知乜嘢叫自由工，真係想學下D freelance 咁，真係爽。

夏天來了，好久都未去過沙灘或海灘游水喇。睇下今年有無機會先。

偶像

聴電台節目，又談及偶像問題。自己想想，又好似無乜個人崇拜嘅偶像。硬要說有的話，我會揀柏拉圖。我都幾鍾意D希臘嘅哲學家架。由其記得那幅叫學院嘅油畫，手指指向天嘅，就係柏拉圖啦。而手指指向地的，就係亞利士多得。

One Man Bank Company

嘩！今天去咗間one man bank度見工，差D驚行唔返出嚟。佢老闆，我去到佢門口，間公司都未開大門，以為我聴錯定去錯地方。呢D咁嘅老細，或者公司，都唔知佢憑乜嘢去請人。

唔該佢早D抖，咪係度維害人間。

又一日

今天又係無乜特別，天氣都唔錯，希望有見工嘅消息啦！

揾工其實都幾考工夫，例如：有份工，人工少少，但乜遠周遠路，比着你會唔會去in呢？計落條數，花時間又花車錢，請你又做唔做呢？

大流感

嘩！香港又好似玩流感大兜亂，問你驚唔驚？'03年SARS之後，D流感病毒果然進化得好快。鬼咩，佢d DNA洗牌快過人類，自然適應力強啦！好驚呀！

希望有運到

見工無乜進展，無計。唯有寄望D agents 有聲氣啦！但 agents 一向都係做大生意，點會幫D 細嘅去揾工吖。不如望中六合彩仲好，係咪咁話先？

繼續揾工去

揾工暫時都無乜頭緒，唔知有乜好方法？眼見南華早報都好似好多工揾咁架，但都係無電話到。希望3月份有工返喇。

夏天來了

香港嘅天氣，又開始熱喇。唉！我就鍾意香港嘅冬天，多過夏天啦。

似乎夏天揾工，最好公司係大型商場入面，唔使出街外就最好。當然，最理想嘅地點，當然是金鍾、中環或者鰂魚涌啦！

返工都高尚D啦！

去睇戲也

嘩！真係好。依家D戲院上返D正常荷里活好片。星期六、日嘅好節目，當然是去睇場好戲喇。

太多人

得閒行下街，突然發覺香港真係多人。凡係多人嘅人地方，就一定多麻煩嘅嘢。依家又有大型流感，突然忽發奇想，如果疫症令香港可以少一半人，你話多好呢！

我無話要死一半人，我只話令人口少一半唧！

要退休？想下就得

真係好鬼羨慕D人唔使做。呢樣嘢簡直就係幸福嘅保證。但要做得到，真係一D都唔容易。當然，中六合彩就另作別論。否則的話，一定要好好計劃才得。長遠嘅計劃，其實當中變化十分之大，真係人算不如天算。到頭來，好多人都落差好大。

死期是什麼？

曾經有人問過，如果有死神可以話比人聴，佢嘅死期係幾時。但統計結果是，大部份人都不想知道。為什麼呢？不是人們要將扼先機嘅咩？連邊日係死期都知道，無理由咁少人有興趣想知。

所以呢，人是複習嘅動物。真是無錯架！

點揾工好呢？

揾工就真係煩，點解？因為老細同打工仔嘅落差太大。見見埋埋D幾差嘢嘅工，真係cheap到痺。做咁死你，就你好彩。有乜計去揾好工呢？

又係一個星期嘅開始，揾工去也！

唉！揾來揾去，D工都係D sales 嘅工，唔通香港無晒其他工咩？做 sales 其實最大問題就係間公司嘅產品，好鬼怕雞嘢又扮名牌，真係幫佢 sell 野都好似去呃人咁。但往往公司都好多理由，推去職員身上。死未？

睇好戲

星期天無嘢做，最佳節目當然係平平地，去睇D半價早場啦！依家D電影檔期，真係離奇，農曆年假期間，得嗰兩三套上演。今期就每星期四套、五套咁上。你話死唔死？

工作與休息

揾工最重要係乜，真係人人都唔同。我就好簡單，平平安安，返工放工，無風無險。其實有邊個唔想。但我就好佩服D工作狂的人，賺賺埋埋咁多錢，最後唔知為乜？又易早死，又多病痛，嘆世界咩？都未必有時間。

條數應該點計先啱呢？咁就係一個哲學嘅問題啦！

周街係顛佬

平日行街，有時望下四周D人，總可以發現一兩位人士，好似有神經病一樣，同空氣傾計，又或者同隠形人做手勢等等。問你驚唔驚？

係香港地，其實有好多人都short short 地架。小心小心。

約見工

揾工過程又開始啦，零星嘅見工電話都有少許。但好多時，約電話嗰個女仔，我估係秘書或者係個receptionist，大多都係求求其其，約到就約，約唔到就關人。又唔留言又唔理。要是老細問起咩，就一定答話，找不到。

唉！撞着D咁嘅人，真係要去打下小人先至得。

平淡的一日

今天又係無乜驚喜，留在家中等電話，但似乎又無乜見工嘅call。睇電視咩，四個台都係一樣，做08/09嘅財政預算。可以肯定，今日都唔會有D乜嘢驚喜。

平平安安又一日。

迷信

世界實在有太多不能解釋嘅神秘事情，科學方法用不着時，往往就用玄學去解釋。其實就越幫越忙，無乜作用。鬼咩，唔係個個人都咁理論化的。無知的人往往喜愛D另類解釋，容易明白，自完其說。

冬天快走了

天氣開始回暖啦，真係好快又可以收埋D冬天衫囉。其實住係香港，有時見D人係冬天，要着雪樓出街，都幾跨張架。原本唔凍嘅，睇完D友仔咁着法，都攪到好似好凍咁。但睇睇天氣報告，damn，唔算太凍暏，都有成13°C，使唔使着到咁緊要呢？

電腦Vista

講開電腦D嘢，又真係唔可以唔講下個Window Vista。我眼見出便都很少公司轉用，當然是錢嘅問題啦。希望我揾到份工，公司嗰電腦仲係用Vista就好啦。

跌價跌到飛起

昨天落旺角電腦場行個白鴿轉，哇！發現D手指跌價跌到嚇一跳，D電腦真係產品唔值錢。買完之後半年喥，即刻唔見一半。

究竟有無D會保到值嘅電腦產品呢？

想換手機

無乜特別嘅一日，真係好。唉！我部手提電話都好似好耐未揾過，唔知Nokia今年08年，有乜新機呢？我就比較鐘意D直身機啦。

睇奧斯卡

講到電影，好快又奧斯卡啦。希望多D好戲來香港上演就好囉。香港嘅戲，我其實都少睇，又貴又唔好睇，相對荷里活而言，打個7 折嘅價錢就差唔多。

今年有乜心水演員呀？

有電話到

唉！終於有個電話約我去見工，算係一個好消息啦。但係D細既公司嚟既，trading出口為主。唔算得上係我心目中的工作，但無辦法，睇下佢請唔請先至算。Cheap labor，就真係週街都係。

成日政府開口話，D失業率點低點低，D就業人口點高點高，打個7折就差唔多。

希望再有D大公司來電，去見工啦！

新年後揾工

近日多番D工見報，但大多都似銷售為主。唉！真係好工就唔多，豬頭骨既就有。真係唔知D打緊份好工既人，係點樣揾番嚟既呢？

上帝呀上帝，幫下忙啦！

感恩既心

講起宗教，我就沒有啦。但有時在快餐店食lunch，看到附近位，有人會在食之前，祈禱一番。我都幾欣賞這種感恩既心。或者我都要學習一下，在每一餐食之前，感謝上帝的一番。

Thank you, my Lord.

無限大

記得有一次和舊老友落bar飲嘢，話題一轉，去談到那個數字，無限大“∞”。大家都發覺非常神奇。原來這個無限大，說落還帶有點兒宗教味道。因為只要是一丁點兒的細數字，乘上無限大，即等於無限大。是不是很神奇呢？

正代表着，只要相信上帝的萬能，任何人都有希望。
希望在人間。

最愛的親人

2007 年對於我來説，實在是傷感的一年。因為我有兩位慈祥的長輩，在短短幾個月內，相繼離世。希望她們在天上，過着安祥的生活。

永遠懷念你的，孫兒。

假期後揾工也

今年天氣都幾反常，比上年凍多少少，希望夏天唔好咁熱啦！情人節剛剛過咗，多咗不少求職版廣告。真係正。去呀，找新工也。

今年個淫照風暴，都玩得幾大。差不多去到每個階層。

街上撞到D舊同事

今天在圖書館裏，竟然碰到位舊同事，世界真細小。傾談中，得知大家在過去數年間，都轉了不少工。真是同是天崖淪落人。佢有工做，算唔錯啦！

希望我都快D揾到工啦。

人事顧問公司

找工作就各有千秋，但那些人事顧問公司，就真係唔知乜料，成日問候你係咪仲揾緊工。又唔係有工介紹喎。吹脹！

我成日見D求職版，登晒D無公司名的稿，就係呢D agent 啦。攪到好似好多工要去請人咁。最僧！

興趣與工作

想建立一種興趣，不知道那一種好。能夠増加個人修養就最好。當然，看書是不錯的選擇。如果去圖書館借就仲好，又平又方便。

好，如果今年找不到工作，就專心看一年書，增加知識。當然，能把興趣與工作結合，就最好不過啦！

新年新希望

鼠年第一個工作天開始，也是我找新工的開始。不知就業情況如何呢？我就不太相信政府D數據，扼細路就得。期實揾工運氣多於一切，對唔對？但如果有運，不如中六合彩仲好，係咪咁話先。

白鴿圖案

不知道有誰喜愛，口唅橄欖葉的白鴿圖案？那是帶着希望的像徵，令人為之一振。充滿着期盼和希望。

我就認識一個人，用這樣的個人圖案，代表自己。真令人難望啊！

希望世界上，多些這樣的人，造福人羣。

隨想隨筆

記得若干年前，有位富豪説過，“富貴於我如浮雲”。我想大多數人都覺得是講得輕鬆。此句原出於論語。

但我就比較喜歡原句，“不義而富且貴，於我如浮雲”。係咪正氣好多？

※子曰：「飯疏食飲水，曲肱而枕之，樂亦在其中矣。不義而富且貴，於我如浮雲。」《論語·述而第七》

※孔子說：「吃粗糧，喝白水，彎著胳膊當枕頭，也樂在其中。用不正當的手段得來的富貴，對於我來講就像是天上的浮雲一樣。」

比較平淡的一天

除了D照片新聞外，其實都無乜新聞可言。

鼠年揾工最實際，希望D現職打工仔女，快D玩揾工音樂椅遊戲啦！製造多D流動空間就好囉！

願望是快揾到工，心想事成。

滿城風雨的照片

鄧一哥就巴閉啦，話拉邊個就拉邊個。集立法、司法同執法於一身。問你服未？

好在有互聯莫、同埋一眾有識之士，出嚟撐下個大局。

唉！世界變啦，尤其變得咁快，香港仲原地踏步，點算？

鼠年快到啦！

鼠年是奧運年，大把節目環繞住這個主題。股市如是，電視節目如是，時事評論都如是。其實都預計晒，無乜驚喜。

我就繼續我的揾工大計。政府成日話D失業率點低、點低，揾工就一D都唔易。

希望有運行啦！

星期六，無特别新聞，唯有睇吓D笑料

香港依家真係落後得可憐，幾十張所謂淫照上咗網就哇哇大叫，如果比起在美國，就是趣聞一則。話之你 Paris Hilton 定係 Britney，睇完就得啖笑。三日就係咁先。

所以香港的互聯網法律，真係大有改善空間。

無聊的一天

下星期就過農曆年，真係正啦。

鼠年暫時都未有乜嘢大計，但希望一切順利啦！

見完工，等消息

今天見完一份幾滿意的工。唯一的是比較遠少少。撘成粒鍾車，先至到埗。不過睇吓有無韾氣先至算啦！

其實每一份工，都是各花入各眼既。同唔同意？

見工的激氣事

今天去見工，傾咗一大半，嗰人事部女人先至講，份工原來要 on shift。即是要返星期六、星期日。唉！我都無為同D藍領人爭飯食。

結果，花咗我D車錢同時間，去見份咁既工，激氣。

最衰嗰人事部女人唔一早響，唔係我都費事去。

見工有什麼準備

真是不知要點樣才好好地準備，見得成份工。

今時今日D老闆，特別難應付呢！

找工作，真困難

正在找新工作，原來見工都好多學問架。有人面就好啦！